【為慈善出力】自詡12年經驗專業髮型師　張新悅剪到囡囡頭髮一忽忽

楊張新悅與老公楊哲安育有四名女兒，近20年沒有唱歌的她最近為慈善，以歌手身份再踏台板於音樂會「開金口」獻唱。事後張新悅於社交網留言，表示出Show前心情忐忑又混亂，並自言從不是唱加班，以前每次出Show前都好驚走音、唔記得歌詞，幸事隔多年已成為人母，經常教小朋友拎出勇氣的她害怕也大大減少，更謂希望繼續有機會表演。

今日張新悅又於社交網透露再為慈善出力，她分享親自為現年10歲的二女Lily操刀，剪掉辮子捐贈給有需要人士，而這次是Lily第二次捐贈頭髮。在短片一開頭，拎住把剪刀的張新悅自言受過「專業」訓練，擁有12年髮型師經驗，接着又拎出間尺指量度囡囡，並因應慈善機構要求，將紮成三股辮的12吋長頭髮一刀剪走。

其間，張新悅向Lily表示：「唔使緊張，頭髮永遠會生長。」惟Lily卻稱有「不祥預感」，張新悅則叫囡囡「唔好嘈」，之後仲邊剪邊印印吓哼歌仔，狀甚輕鬆。豈料剪掉辮子後，張新悅即尖叫一聲，皆因她發現Lily的髮尾被剪到一忽忽，連Lily的家姐、細妹睇到都忍不住笑，張新悅亦大笑道：「呢個實驗係唔啱㗎！咁點算呢而家？」隨即又讚Lily靚女補飛，但下一句卻謂：「（捐贈的辮子）好似真係短咗少少……」不過，不少網市民大讚張新悅有善心，有人留言：「你教（得）她們很好，願意將自己心愛的長髮捐予有需要者，從《分享愛》時已超喜歡你。」