陳瀅否認張子丰緋聞：一萬個無可能

陳瀅正拍攝新劇《痞子殿下》，興奮透露日前於南生圍首次拍攝吊威吔戲，覺得十分有趣。對劇組連日為王灝兒（JW）慶祝30歲生，她笑笑說：「JW第一次拍古裝，佢又帶好多快樂畀大家，所以大家都好想留個難忘回憶畀佢。佢（18號）正日生日，噚晚慶祝完，之後唔會再慶祝㗎喇！」
至於有報道指張子丰正在追求陳瀅，卻被她當做「兵」？陳瀅笑說：「一萬個無可能，我哋已經識咗好耐。當日我只不過係路過，Say完Hi我就走咗。」