否認迫「敵人」上台合唱 Serrini爆林家謙騷短訊證幫襯黃牛

上星期在九展連開3場演唱會《I'M (NOT) FINE, THX.》的Serrini，尾場請到本身睇騷的林家謙上台合唱《蘇菲亞的波霸珍珠奶茶》，今日Serrini就在社交網分享背後故事。自稱與家謙不熟的她笑指對方是自己「敵人」，不過依然大方祝福：「天祐我的敵人，給他永遠笑聲，並常對他偏愛💎🙏🏻」。

Serrini又爆家謙呃她幫襯黃牛：「Concert嗰日黃昏，主辦話我知阿邊個（指家謙）嚟，我第一個反應係『佢之前又話唔嚟？！』之後我同自己講，要乖乖哋，唔可以攻擊人哋。點知呢個人開Show之前特登走入去後台，話我知佢買黃牛飛（實情係搲畀佢嘅真飛，但係佢堅持要Show黃牛Message畀我睇，話我跳樓飛），但係又話不如合照（？？？）。可能最近林XX好忙做製作，對我放下咗戒心，或者疲倦就無咩inhibition（顧忌），但係偶像就係要保持謙謙君子façade（假像），佢都唔係咁衰嘅I guess，係奸奸哋vibe嘅啫🙏🏻🕊」。

Serrini續指自己沒有迫家謙上台：「我on stage話『我係唔會叫佢上嚟嘅，除非佢自己行上嚟』is true，佢心裏說不，我就唔會迫到佢。我係成日覺得佢係腹黑攻（指表裏不一地壞），and me as a 女皇攻，so大家就會好多conflicts（衝突）（但係友善）。But可能世界睇唔慣啲roast（批評），如果成日嬲嬲豬咁，做咩啫你妖。Anyways I would like to bless this huge fan of mine with happiness in life and protection from any harm. （無論如何，我都想祝福這位忠實粉絲，希望他一直都快樂，遠離一切傷害）」。