【Juicy叮】做到咳血請假被責「條路自己揀」 員工辭職後公司倒閉同句話回敬老闆

有網民發文，曾經在一間公司做到咳血後要請病假，豈料被老闆責怪還説「條路自己揀」，結果網民憤而辭職後，公司倒閉，網民於是用同一句話回敬舊老闆。

網民在facebook專頁「奴工處」指，曾經在某一傳媒機構工作，已經是寫得最多稿件的員工，其他5個同事合起來都不及網民一個人多。其後某天網民病倒咳到吐血要請4日假，結果老闆就來電興師問罪「咁就請假？你唔當間公司係自己公司嘅，你係唔會成功」

網民於是回答：「唔好意思真係病到咳血」，老闆竟然冷漠地說：「唔好同我講呢啲，條路自己揀架嘛」網民於是大怒辭職「好啊，條路自己揀，我辭職，byebye」。之後該公司倒閉，網民忍不住向舊老闆發訊息「條路自己揀架嘛」，對方已讀不回後更封鎖網民。

不少網民都支持當事人做法，網民留言說，「如果我當公司係自己公司，點解我唔自己去開公司，要幫你公司打工當係自己公司？」、「當公司係自己公司？我而家就係當公司係自己公司，我自己公司我自己話事，中意唔返就唔返，使理你？」

帖文轉載自專頁「奴工處」