【Juicy叮】巴士上層企滿人車長拒開車乘客猜拳揀人落車

2021-07-05 14:28

有港男指，今早上班繁忙時間乘搭巴士，由於太多人上車，致上層亦站滿乘客，車長得知後拒絕開車，並要求部分乘客下車，引起鼓噪。最後，乘客需以猜拳方式決定落車人選！

該港男在社交媒體Facebook群組「馬路的事討論區」上發文，指今早繁忙時間乘搭來往沙田市中心及新田圍的282線雙層巴士，因乘客眾多，多人登車後便站在巴士上層，情況十分危險。樓主表示，前兩個站已經「排晒長龍」，下層亦很快客滿，但司機在下一個站仍繼續上客。

樓主指，巴士車長其後得知上層有多人站立，基於安全理由便拒絕開車，結果卻引起大批乘客不滿及鼓噪，「最後乘客猜輸咗要落車」。從樓主上載的照片可見，近20名乘客在路中心下車，當中包括打工仔及學生，紛紛穿過十字路口馬路走向行人路。

樓主認為，乘客在巴士行駛期間於上層站立，轉彎時會非常危險，但他同時又指出，車長的處理手法亦有不當之處，「架車full（客滿），佢應該要飛站而唔係繼續上客」。

有網民看完帖文後，解釋巴士上層不應站人的原因，「如果上層企滿人，當轉急彎嘅時候，頭重腳輕，遇到意外分分鐘會反車」、「上層真係唔可以企人，個『可載乘客量』係運輸署出，所以從來上層都唔會批到企位」、「會引致煞車效能降低」、「超載（嘅話）保險唔賠」，認為涉事巴士司機的做法正確。

不過亦有網民認為，車長在客滿時仍上客，變相逼乘客到上層站立，認為處理手法可以更好，「其實巴士係可以唔開上客門，淨開落客門，排隊啲乘客望到你舉咗客滿牌，又見車箱迫爆，都知咩事好少會投訴，咁樣好過咁停喺條路度迫啲客落車」、「司機判斷錯誤，要乘客承擔。滿客就棟牌飛站啦。」

資料來源：「馬路的事討論區」FB