【挑機】被兩歲半「姜糖」唱《蒙着嘴》融化 姜濤大呼：來做我女兒吧

Facebook群組「我老婆嫁咗畀MIRROR導致婚姻破裂關注組」除了有不少「苦主」老公及爸爸圍爐之外，一眾鏡粉亦齊齊入Group湊熱鬧，近日就有一位鏡粉媽媽上載兩歲半囡囡唱姜濤《蒙着嘴說愛你》的片段並留言：「#傷害爸爸系列 我個女可能係全香港最細粒嘅姜糖（姜濤粉絲稱呼）」，當媽媽問到囡囡喜歡爸爸還是姜濤，囡囡即時甜笑回答「姜濤」，爸爸好可憐！

有在群組「食花生」的姜濤，雖然表示唔想破壞「姜糖」們同另一半關係，不過就在其社交網轉發片段，更直言「來做我女兒吧❤️」，向小妹妹的爸爸挑機！令一眾姜糖紛紛留言笑指姜濤「搶完人哋老婆搶埋人哋個女🤣❤️」、「仲挑機🤣佢老竇真係會殺咗你😂😂😂」，又問他「可唔可以順便做我老竇❤️😢❤️❤️❤️」。留言區一片酸味，「姜糖」們都非常葡萄。