C朗一家六口西班牙小島度假 豐滿C朗嫂玩水上電單車玩到轉圈

葡萄牙在歐國盃16強被比利時踢出局，C朗（Cristiano Ronaldo）冇波踢就帶埋女友洛迪古絲及4名子女去西班牙小島Majorca度假。當C朗享受爽到爆的天倫樂之際，超級經理人文迪斯據報將飛到意大利，跟祖雲達斯商討呢位葡萄牙球王嘅前途。

工作嘢唔諗住，C朗好享受呢個假期，繼尋日上載一家六口喺豪華遊艇嘅合照及單人Show肌照後，今日論到C朗嫂，着住肉色三點式，非常豐滿嘅佢好開咁玩水上電單車，仲玩到打晒圈咁，玩完刺激嘢就繞住男友手曬太陽，天堂咁嘅生活呀。