【盛．舞者】《愛．回家》袁鎮業陷淘汰邊緣 哭訴9年演藝辛酸史

TVB舞動綜藝真人騷《盛．舞者》昨晚（7日）播出的第三集，三位導師狄易達、麥秋成及王君馨在一眾舞者中挑選屬於自己戰隊的精英。三人輪流作了專業示範後，參賽者便在指定時間內持續努力認真地練習舞步，其中火雞姐（丁可欣，Yanki）受訪時直指過程好好玩：「最攰係達仔嗰隻，練完兩隻舞仲要落地仲要前滾翻，滾嚟滾去我都唔知自己滾咗去邊，然後Bomb一聲就完咗。」
之後三名導師便開始揀選心頭好，君馨與達仔爭火雞姐期間，君馨竟大爆火雞姐是達仔徒弟，更搞笑謂：「你同佢跳咗十幾年，可以轉吓人！」達仔則簡單地還擊謂：「我要你突破自己！」最終獲火雞姐「重返懷抱」。

全晚終極洋蔥位則落在曾參演《愛．回家之開心速遞》的袁鎮業（Kelvin）身上，身陷淘汰邊緣的他，談到因傷患等原因放棄當全職舞者時數度哽咽，並落下男兒淚：「今次呢個比賽好掙扎，因為我真係停咗好耐冇郁。我係好鍾意跳舞，我做全職，但不幸勞損咗，所以我發展咗新道路。我發展咗九年、付出咗九年，頭幾年我好努力操好弗好乾身，但都係冇機會…隨住年紀開始大，我想Pick Up番跳舞，身體暫時都仲未可以同步，但我已經盡咗最大努力。」錢嘉樂聞言即感性謂：「年青就係咁好，有咩心事都可以真情流露，到我呢個年紀會收埋好多嘢㗎。」幸好達仔最終選了Kelvin作最後一位戰隊成員；對於Kelvin得償所願，現場舞者大表振奮，紛紛擁著他道賀及安慰，場面感人。

事後Kelvin接受電話訪問時，坦言九年的演藝路雖然比別人行得慢，也曾錯失一些機會，但他卻依然沒有失望，因為他覺得反而讓自己多了時間去修煉演技、累積經驗、汲取足夠知識去裝備自己，以最佳狀態抓緊機會。他又指入行初期曾對擔任替身感到反感：「我轉幕前就係想企前啲，想多啲人望到自己。但當我做替身，我係唔需要講對白，只係影我膊頭、背影咁，我會有啲唔開心，因為唔係我鍾意做嘅嘢。」不過他透露最近依然接了一個替身工作，卻大感雀躍，因為感到備受尊重及有很多學習機會。

問到Kelvin藝人與舞者何者較艱難？他坦言做藝人更複雜，更需要靠自己努力。至於經濟狀況，他坦言當全職舞者時收入穩定，反而當了藝人後有時會入不敷支，不但要靠儲蓄，更試過有段日子「冇畀家用」，幸而得家人支持及體諒：「佢哋都好明白同支持，家人真係好好。」