【唔識搞女團】《全民造星IV》經理人由戴穎出任 花姐認對女性是有偏見

「花姐」黃慧君與梁祖堯、許廷鏗以及經理人戴穎（阿Wing）今日在九龍灣繼續為《全民造星IV》面試即場登記的參賽者，花姐指阿Wing將出任女團經理人，2年前她接下MIRROR經理人時，高層魯庭暉曾向她介紹阿Wing，雖然當時未成事，但二人私下老友，所以她決定將這重任交至對方手上：「我認對女性是有偏見，我睇唔到佢哋係唔係觀眾喜歡嘅類型，咁樣對組成女團唔好，其實我喺面試嘅出席率好低，因覺得自己坐喺現場冇用、唔識得畀分呀，而且我最憎係扮可愛、扮可憐嘅女仔！」

早前黃榕哭訴在《造星IV》的面試被狠批，阿Wing形容是花姐愛的表現，花姐則說：「當時佢放低本寫真集，我覺得參加《造星IV》唔需要賣弄，加上佢跳唱不好，如果有心參加應該有更多準備，不過佢嘅態度好好，點樣畀人批評都喺人前笑，搞到我都有啲戥佢心痛。」花姐向來愛錫MIRROR，問到自稱MIRROR粉絲是否無加分？花姐表示要看目的，目的是找到渴求加入娛樂圈的人，並不會排斥粉絲。

對於有網民投訴面試被取消，隨後又推出即場面試，花姐即時認錯，她說：「我知道同事有致電參賽者，但係我太多嘢講，又太鍾意鬧人，所以Delay咗，但都有女仔再約面試，至於報名又冇機會面試，好抱歉，今次收到4000多份，真係見唔晒。」至於女團人數？阿Wing與花姐表示暫未有數字，笑言不希望是12人，也考量到比賽過後沒有人值得簽也沒關係，搞笑稱屆時會安排自己出道，最重要是組成有質素及特色的女團。