上中菜班先知煮一餐飯原來可以好平 蔣怡：廿多元材料加啲剩菜夠6個人食

蔣怡（Coco）今日在書展為烹飪書舉行簽名會，女兒帶同現金即場買書支持媽咪，更即場攬着媽媽又攬又錫，場面溫馨！Coco透露最近在中華廚藝學院上初級中餐班，由零開始認識中菜，最拿手是炮製炒粉麵飯，她說：「我唔係喺香港出世，好少去茶餐廳，之前因為上堂先第一次食瀨粉，今次最大得着係發現原來煮一餐飯可以好平，廿多元材料加啲剩菜，已經可以炒一大碟瀨粉，足夠兩個大人、兩個小朋友及兩個工人姐姐食，唔使餐餐大魚大肉，簡直係中華瑰寶呀！所以明年會諗吓出食譜，教人炒粉麵飯呢種快靚正嘅美食！」此外，Coco透露已為一對子女報讀一系列暑期興趣班，包括游水、畫畫、足球等，行程排得密麻麻。