【過到關先講喇】鍾慧冰母女檔挑戰真人騷 出招為林靜莉爭取幸福

ViuTV下周一又推出全新真人騷《阿女又戀嚟》，今次節目邀得4個家庭參與，各家庭在30個人選上揀出2名男士，1名是阿女的自選人物，另一名則是由父母欽點，阿女則會與2名「男友候選人」雙線發展1個月，而阿女拍拖時，父母會全程偷窺箇中情況，點評「男友」甚至是阿女的表現。

藝人鍾慧冰亦有份參加節目，今次她為女兒林靜莉（Jeannie）擇偶，一向腦轉數甚高的冰姐以「你啲字咁似小學生嘅！」、「點解你化妝咁濃嘅？」及「你月入兩三萬，夠唔夠應付拍拖支出？」當面點評3位候選心水，內容非常啜核，搞到各位男士嗌晒救命！