《大叔的愛》大結局KK讓愛 田田阿牧排除萬難啜嘴復合

(利申嚴重劇透)
ViuTV熱爆BL劇《大叔的愛》今晚大結局，一直唔願面對自己，人哋講乜就做乜的田一雄自應承跟KK結婚後一直唔多開心，跟梓芊坦承仲好鍾意田田的阿牧鼓起勇氣發短訊畀阿田相約見面，一收短訊即奔跑出去嘅阿田見到有個阿婆唔舒服，再陪佢去醫院，自然錯過見面機會。

結婚當日，KK察覺田田冇乜笑容，明白愛情冇得勉強即大方讓愛，叫阿田去追返阿牧，鏡頭一轉，今集Keep住奔跑的阿田跑到去大澳，兩人互望，阿田一句:「我哋結婚啦」，阿牧即刻眼濕，繼而攬實。兩人之後齊去台灣發展，失而復得，錫錫場面又點少得。

眾角色都有好美滿嘅結局，除咗KK同Darren，梓芊有拖拍，男友係P1X3L嘅Phoebus，娟姐當然同平哥，而Francesca就接受Louis求婚，皆大歡喜。