去年考取音頻治療師認可資格 陳明憙孖「老友記」切磋音樂

創作女歌手陳明憙(Jocelyn)早前到石硤尾賽馬會創意藝術中心，出席《賽馬會「從聲出發」社區音樂計畫》，跟長者們齊齊玩樂器jam歌及分享音頻治療。

Jocelyn於活動上唱出《月亮代表我的心》，又與一眾長者用樂器jam歌，隨後自彈自唱自創歌曲《遊樂》。接着長者們一起唱出他們的作品《人生大食會》回應，Jocelyn聽罷說道：「隻歌好犀利，因為係一隻三拍歌，好唔容易掌握。好欣賞公公婆婆冇包袱負擔，用一人一句講自己經歷嘅方式，合力創作音樂嘅實力同創意，音樂令大家關係更緊密，亦都反思自己喺創作上會唔會搵更多朋友一齊做創作。」

剛推出全新廣東作品《聲之靜》的Jocelyn，她透露去年已考取音頻治療師的認可資格，這次作品是她首次將音頻治療元素加進流行音樂中。Jocelyn分享說：「因為自己曾經歷嚴重失眠及焦慮，嗰陣時都搵緊一啲自然療法去解決失眠，最後搵到音頻治療。同埋可能因為自己都係歌手，覺得出嚟嘅反應好work，解決到我失眠，於是我再同身邊嘅人分享，先知道原來好多人都有失眠問題，好多人有呢個需求。」