入行9年首次開個人音樂會 葉巧琳積極操fit當開party

入行9年的唱作歌手葉巧琳（Mischa），去年參加ViuTV《全民造星III》讓更多年認識她。Mischa將於9月18日於海洋公園怡慶坊舉行一場音樂會，亦是她首個個人音樂會，她直言心情相當複雜：「有好多嘢想俾大家睇到，包括一啲舞台效果，亦有音樂劇嘅嘢，好多諗法喺個腦度，想盡量喺個演唱會度呈現最多嘢俾觀眾睇。」她預告「一定會載歌載舞」，相信足以令歌迷大感期待。

除了她本人，身邊親友比她更緊張，已開始去撲飛，她笑說：「我覺得今次演出同之前好唔同，因為今次大家真係買飛入嚟睇。好似我之前睇 Phil (林奕匡)演出，我感受到觀眾好期待同好鍾意佢唱歌而去買飛睇，所以我都會落力去享受個show。壓力唔算太大，因為唔會再擔心有人去judge我嘅表現，我會當係一個party咁去同大家一齊玩。」

」

此外，Mischa將在下月參演「風車草劇團」的百老匯音樂劇《孿孿成人禮．Falsettoland》，她不擔心影響演唱會表現，並說：「我相信9月中開演唱會時，聲音會係最佳狀態，因為之前要演音樂劇，一路鍛煉，好似做Gym咁樣，所以應該會係幾fit嘅！至於身型方面，始終係自己第一次開個人show，我都會為咗演唱會開始操fit自己，希望自己可以瘦多少少，着衫都靚啲！