TVB獨家視像訪問花劍隊 吳諾弘談做童星有助抗壓

現年21歲、童星出身的吳諾弘（Lawrence）在今早出戰東京奧運男子花劍團體賽，將大比數落後的分數收窄差距，表現令人眼前一亮，被譽為花劍的明日之星！

吳諾弘在比賽後，與隊友張家朗、張小倫、蔡俊彥以及隊一同接受TVB的獨家視像訪問，他直言小時候已夢想做全職運動員，他說：「係細細個嘅夢想，當然做全職運動員係為咗參加奧運，都係一步一步嚟。」問到有甚麼驅使他努力鍛鍊？他說：「可能係我想爭取更加好嘅成績。」

吳諾弘在7歲時便加入TVB，十年間拍攝過超過30套劇集，主持陳庭欣問靠過去的演出經驗，會否增加抗壓力，吳諾弘說︰「其實我啱啱好緊張，前一晚瞓唔到㗎。但我諗都會有啲幫助嘅，因為可能相對地，對住多cam嘅時候唔會太驚，但場上我緊張你哋睇唔到啫。」