復古Dresscode影過千靚相打卡 蘇麗珊同好友Staycation賀29歲生日

周五（6日）是蘇麗珊的29歲生日，她在社交網上載多張相片，原來是有好姊妹為她搞Staycation兼復古Party預祝生日！蘇麗珊指3位好友是儀式感大師、構圖組組長及派膠小隊隊長，為整個Staycation加持，不過她就笑道：「雖然生日嗰個（我）都要幫手吹波波同佈置^_^ 但呢個復古派對本人表示十分滿意，因為大家都相當投入，好用心化咗個Twiggy妝！」

打扮得靚一靚又有好朋友陪，蘇麗珊自爆大家更影咗過千張相留念！她着上黑白波點Look，加埋頭箍好復古，一眾圈中藝人如林德信、Yanny、廖子妤及蘇皓兒等都有祝她生日快樂。