任晴佳處女行騷 琦琦讚女兒：好似身邊super model行得好好

任達華與名模太太琦琦的17歲愛女任晴佳（Ella）遺傳了父母的最強基因，擁有美人胚子，配上逆天長腿，愈發超模氣質。近日Ella初次登上時裝騷舞台，前晚（4日）獲邀到上海行騷，同場還有國際級名模劉雯與賀聰，媽媽琦琦也特意到場支持愛女。

時裝騷上Ella梳了一頭長長的直髮，穿上淡紫色的束腰冬裝，展露110cm修長長腿，Ella首次踏上T台騷，在高低起伏猶如山丘的舞台上穿梭，甚有難度的舞台Ella也能輕易駕馭，表現自信有台型，氣場絕不遜於同場其他超模。

時裝騷舉行當日，Ella晨早便主動走到會場進行綵排，完騷後表現獲得讚，Ella百般滋味：「真係好開心！我一啲都冇緊張，騷嘅台比一般難行，好似山坡咁高高低低，亦特別長，第一次行騷就要行呢類型嘅台，好有挑戰，慶幸自己冇失平衡，成功完成咗呢件事。自己冇諗過可以同咁多super model同台，覺得好興奮。」

自今次的行騷經歷後，Ella更愛上T台騷，她充滿喜悅說：「我都幾鍾意，覺得好有挑戰，好開心，同場嘅模特兒大家都對我好好，之後我仲約咗佢哋一齊食飯。」琦琦見證寶貝女順利完成首次行騷，感動之餘更為女兒感到驕傲，琦琦說：「行得好好！起初都驚個女會緊張，估唔到真係唔錯，一啲緊張都無，仲好enjoy呢個舞台，就好似身邊嘅super model 一樣行得好好，好完滿。」