38歲阿Sa技癢表演側手翻 網民激讚：寶刀未老

蔡卓妍（阿Sa）和鍾欣潼（阿嬌）組成的Twins成軍20周年，二人再度合體紀念這個大日子，早前已推出歌曲《小小女人》，又一起拍攝廣告、節目和訪問。最近二人又一齊影靚相，阿Sa忽然技癢，在草地上表演打側手翻，38歲的她依然身手敏捷。

阿Sa在社交網貼上與阿嬌工作時的靚相，二人一身花碌碌打扮，悠然自得地躺在草地上，又手拖手開心對望。其中一張動圖看到阿Sa突然技癢，腳踏斗零踭打側手翻，動作流暢美妙，仍能保持少女出道時的身手，即令人勾起她們的歌曲《明愛暗戀補習社》在台上的招牌動作「側手翻」經典場面。

阿Sa自覺服裝好似燈神一樣，寫道：「呢件衫好適合打個側手翻 #技癢 #pattern好靚 #仲有啲似燈神」。網民都大讚：「寶刀未老」、「好cute」、「等Twins嘅演唱會睇你打側手翻」、「記得打到60歲」、 「我永遠的側手翻少女」。

阿Sa日前亦有感而發留言：「呢21年裏面真係甜酸苦辣乜都試過，有叻嘅時候，亦都有好唔叻嘅時候，但係人生就係咁，不斷學習，不斷改善自己，不斷警惕自己，努力活着。」她自言要慶祝即將踏入20+1，說「俾啲掌聲自己囉，亦都感謝每一個支持同幫助我成長嘅人。」