Po十幾年前排骨仔舊照 陳家樂唔覺意爆入行辛酸史

家陣玩Gym操到好大隻嘅陳家樂今日喺IG貼咗張同友人嘅舊合照，佢話:「十幾年前得120磅既(嘅)我，銀行長期2位數，一年可能都冇兩個job，前路茫茫，好在我仲有班朋友同支結他先頂得住😁。」

hashtag有兩個，分別係點會估到今日既(嘅)我有165磅同埋點會估到個個都結晒婚生晒仔。

講返少少歷史先，陳家樂係參加2003年英皇新秀入行，當年佢17歲，青靚白淨冇乜肉，IG提到十幾年前嘅佢應該入咗行，但睇嚟相當心酸，無乜Job又無錢又前路茫茫，不過而家佢又大隻又已經係電影男主角，仲要有女朋友連詩雅，前途一片光明啦。