維港會｜顏汶羽做爸爸 望囝囝將來「做自己想做嘅嘢」

民建聯觀塘區議員兼九龍社團聯會秘書長顏汶羽近日「升級」做爸爸，其太太Joyce 8月8日在仁安醫院誕下8磅4重的男嬰，非常有分量。問及他對兒子有甚麼期望，顏汶羽話希望囝囝繼續快高長大，「最重要平平安安、健健康康，醒啲！」他笑言，其實自己對小朋友無乜要求，只是希望能夠健康成長同乖乖地，「我係自由派，最緊要佢做到自己想做嘅嘢，開心就得！」

顏汶羽又話，之前擔心影響太太休息，所以都未有刻意公布太太有喜，太太原本周一才分娩，但星期日入院檢查後，醫生建議即晚入院開刀生仔，顏汶羽說自己一定聽專業人士意見。他又預計太太同囝囝出院後，主力由「四大長老」照顧，至於百日宴就因應疫情不會大搞，只安排家人分批每4至6人食飯作小型慶祝。