七公主丨法庭戲爆Seed演出最搶鏡 林夏薇：希望大家繼續追落去

由七大當家花旦林夏薇（薇薇）、黃翠如、高海寧、劉佩玥、江嘉敏、陳瀅、陳曉華、鄺潔楹擔正演出的無綫重頭劇《七公主》，未開播已話題性十足，劇集於本周一前首播，首兩集以飾演律師的黃翠如與喪夫的薇薇最多戲份，薇薇在這兩集更是爆Seed演出，面對喪夫之痛的薇薇在庭上被翠如百般刁難及歪曲事實，令她既憤怒又委屈，氣難下的她最後更向顧靈珊潑糞，贏得不少網民的讚許：：「超正！搶晒戲！」、「喊戲好勁，真係心痛的喊。」、「對喪夫和對律師歪曲事實的氣憤掌握較佳」、「林夏薇演技派，佢有好多代表作！演乜似乜！欣賞！」

首播當晚，薇薇與徐榮在微博開直播，瞬間吸逾20萬點瀏覧人數，非常厲害，對於對於網民正評，薇薇謙稱謂：「多謝觀眾嘅評價，好驚喜，多得監製同導演剪得咁好，第一集都好緊湊，再睇番都係覺得個心有啲痛。記得拍攝呢場戲時，一嚟就已經好有感覺，再加上成場戲大家嘅配合，監製又喺開拍前同大家對咗戲，所以都好順利馬上就入到個情緒，一take過。」薇薇又謂很喜歡今次這個角色：「我成套劇都好享受喺顧語嫣嘅世界，感受佢嘅悲傷同甜酸苦辣。《七公主》每幾集就會有個高潮位，會有好多唔同嘅驚喜，希望大家繼續追落去。監製話希望我通過呢個角色可以更上一層樓，可以畀大家睇到不一樣嘅林夏薇，多謝佢畀一個咁好玩嘅角色我挑戰！」

首集的第二大驚喜，落在客串飾演風流慈父劉丹以及喪夫但勇敢出庭作供的證人姚瑩瑩身上，簡單數句對白以及數個表情，已令觀眾留下深刻印象，更有網民說笑指不捨根叔在劇中「咁就走咗。」並笑指對方在晚上八點時還好地地，證明看得相當肉緊。對於客串角色備受關注，監製陳維冠笑言：「嚟緊仲有幾個客串角色都應該有驚喜嘅，會有《四個女仔三個BAR》嘅大狀啦，另外我哋又特登邀請咗一位廚藝高手飾演廚師，希望觀眾睇得更投入，同埋多啲新鮮感。」