Juicy叮｜舊同事20年前拒指證上司累轉行 網民介懷拒應約食飯

網民在討論區「親子王國」發文，一位舊同事20年前拒指證上司犯錯導致她被開除，她至今耿耿於懷，於是拒絕這位舊同事邀約食飯。

發文者至今仍然記得，因上司決策錯誤要她「揹黑鑊」，公司調查時這位舊同事是人証，但對方當時無將事實講出來，發文者因此事要自行離職。發文者指，「我係一個專門行業，呢個行業好窄，我之後亦無法入返呢行，要改行。而佢就順風順水，升完又升。」

發文者認為，雖然錯的是上司，對方只是不敢指證上司出來，但她仍然放不下，不能原諒對方。她自言，「佢約我食飯，我推咗。我係好小器。」發文者透露，這20年來無聯絡過，只在2次同事婚宴碰面，她做到「Hi」一聲就走開。完全不想跟對方傾偈。

有網民安慰發文者，「食咁大隻死貓，放不下，正常喎，無需要再來往啦」、「咁樣唔係小器啦，因為佢膽小唔敢指證上司，直接令你仕途被毀，講真係我都原諒唔到依個人」、「我覺得唔係小器，換咗係我都唔會應約。過咗甘多年，或者唔會嬲，但會記一世！因為依個人，改變自己原有工作規劃，甚至乎可能係人生。」

不過也有人提出，「如果角色交換，你會勇敢指證上司嗎？」，發文者於是說「20、30歲年青時，我應該會指證。到而家倒模咗咁多年，我已經改變自己，學人刷鞋，而家的我唔會咁勇了。所以，我認自己小器」

帖文轉載自「親子王國」