2021香港小姐丨大師姐鍾子綸擔任項目統籌顧問 曾任懲教署高級監督

一年一度的《2021香港小姐競選》將於8月22日（星期日）及9月12日（星期日）進行準決賽和決賽，今年以「WE MISS HONG KONG」為大會口號，首次以真人騷《We Miss Hong Kong STAY-cation晉級賽》進行，大會安排了28位入圍佳麗獲安排入住西貢WM Hotel，再由慧妍雅集4位代表曹敏莉、向海嵐、劉倩婷、張嘉兒，以及張秀文、朱晨麗、馮盈盈、何依婷8位師姐領隊下，參與為期11天的「Stay Battle」，爭奪20個可stay名額晉身準決賽！

節目將於今晚（16日）至周四（19日）晚上10時30分於翡翠台播映，在上星期播出四集中，由大師姐鍾子綸和王愛倫宣佈淘汰名單，過往王愛倫曾出席過不少港姐活動，大家對她都有一定程度的認識，但其實另一位大師姐鍾子綸的來頭亦不少，她除了在1983年度與楊雪儀、張曼玉和李月芙同屆並獲得友誼小姐外，在回TVB擔任今屆港姐的項目統籌顧問之前，她在懲教署工作超過34年，曾經是芝麻灣懲教所、羅湖懲教所的「一姐」，在2014年更獲得「懲教事務榮譽獎章CSMSM」，退休前是懲教事務高級監督！

鍾子綸早前接受TVB的訪問，提到當年得獎的一刻，她笑說：「呢一刻對我嚟講，簡直係咪埋眼嗰一日都會記得，喺1981年參加咗懲教署嘅工作，本來喺受訓嗰年就想參加，但因為嗰時曬到好似嚿炭咁就冇參加。到1983年我就去咗參加，參選之後認識到嘅朋友同嘗試嘅事物都好豐富，所以好慶幸自己參加咗。」

當年鍾子綸的志向是從事社會工作，希望幫助人重獲新生：「咁我喺TVB做完一段時間之後，回歸返我嘅工作，一路做咗34年幾，到2015年退休，香港小姐嘅精神我覺得係發揮愛心、正能量，係香港人嘅Miss Hong Kong。你熱愛生活，就可以感染犯人，做一個積極嘅角色，再處理一啲唔好嘅遭遇，如果冇咗呢段經歷，我覺得人生應該冇咁好。」