2021香港小姐丨大师姐锺子纶担任项目统筹顾问 曾任惩教署高级监督

一年一度的《2021香港小姐竞选》将于8月22日（星期日）及9月12日（星期日）进行准决赛和决赛，今年以「WE MISS HONG KONG」为大会口号，首次以真人骚《We Miss Hong Kong STAY-cation晋级赛》进行，大会安排了28位入围佳丽获安排入住西贡WM Hotel，再由慧妍雅集4位代表曹敏莉、向海岚、刘倩婷、张嘉儿，以及张秀文、朱晨丽、冯盈盈、何依婷8位师姐领队下，参与为期11天的「Stay Battle」，争夺20个可stay名额晋身准决赛！

节目将于今晚（16日）至周四（19日）晚上10时30分于翡翠台播映，在上星期播出四集中，由大师姐锺子纶和王爱伦宣布淘汰名单，过往王爱伦曾出席过不少港姐活动，大家对她都有一定程度的认识，但其实另一位大师姐锺子纶的来头亦不少，她除了在1983年度与杨雪仪、张曼玉和李月芙同届并获得友谊小姐外，在回TVB担任今届港姐的项目统筹顾问之前，她在惩教署工作超过34年，曾经是芝麻湾惩教所、罗湖惩教所的「一姐」，在2014年更获得「惩教事务荣誉奖章CSMSM」，退休前是惩教事务高级监督！

锺子纶早前接受TVB的访问，提到当年得奖的一刻，她笑说：「呢一刻对我嚟讲，简直系咪埋眼嗰一日都会记得，喺1981年参加咗惩教署嘅工作，本来喺受训嗰年就想参加，但因为嗰时晒到好似嚿炭咁就冇参加。到1983年我就去咗参加，参选之后认识到嘅朋友同尝试嘅事物都好丰富，所以好庆幸自己参加咗。」

当年锺子纶的志向是从事社会工作，希望帮助人重获新生：「咁我喺TVB做完一段时间之后，回归返我嘅工作，一路做咗34年几，到2015年退休，香港小姐嘅精神我觉得系发挥爱心、正能量，系香港人嘅Miss Hong Kong。你热爱生活，就可以感染犯人，做一个积极嘅角色，再处理一啲唔好嘅遭遇，如果冇咗呢段经历，我觉得人生应该冇咁好。」