為《鱷魚君》首獻聲 保錡死前100日恨開大型騷

日本動畫電影《鱷魚君最後的100天》改編自Twitter大熱漫畫《100天後就會死的鱷魚》，粵語配音版由「宇宙天團」ERROR首度獻聲，隊長肥仔（梁業）擔大旗聲演主角鱷魚君，阿Dee（何啟華）及保錡分別聲演其好友灰鼠和阿鼴，193（郭嘉駿）就聲演全新角色青蛙。

近日再捲桃色醜聞的保錡坦言片名令他回想起《花姐ERROR遊2》要去鱷魚潭，起初更以為鱷魚君「最後100日要喺鱷魚潭生死搏鬥」。問到保錡如果生命只剩100天會想做甚麼？他表示：「希望可以好似Michael Jackson同X-Japan咁，喺好大型嘅舞台上表演。我嘅夢想係成為一個偉大嘅音樂家，將我音樂嘅訊息宣揚畀更多人，起碼我嘅作品可以流傳到，離去嘅時候都唔會後悔。」

保錡又認為，做人將一切當作是最後一次，全力做好每件事，即使失敗也不要緊，起碼享受了過程。雖然想在音樂方面有更好的發展，不過他也保證會繼續努力行搞笑之路。保錡亦搞笑呼籲粉絲入場支持：「我嘅Fans如果鍾意睇卡通片，可以先睇呢一套，唔睇其他住。睇完可以介紹你阿爸睇，你阿爸又可以介紹你阿媽睇，一傳十，十傳百，我哋就好似邪教組織咁，係咁宣揚呢套戲！」

《鱷魚君最後的100天》將於8月26日在港上映。