否認逼婚不成分手收場 李佳芯：唔會因為一個原因

李佳芯（Ali）今日到荃灣宣傳劇集《智能愛人》，獲大批粉絲到場打氣，她稱已久未出席公開活動見粉絲，透露私下有與粉絲見面，一同與視障、聽障及長者等進行共融活動，問到可會考慮成立基金或慈善團體，她稱：「如果我有這種影響力也希望做到，可以幫更多人，其實這是粉絲們自發，即使我開工他們也會組織活動進行探訪。」

Ali近日受訪坦承因為逼婚不遂而與男友陳炳銓分手，她表示：「其實嗰陣係美容代言活動宣傳，冇諗過會變咗做感情事擺咗喺雜誌封面，其實內容唔係我想去講，一向以嚟感情事我都唔會講太多，總之唔係因為結婚不成而分手，可能是標題令到事情誇大咗，（分手）唔會因為一個原因，原因我哋自己知。（再拍拖會唔會再主動提出結婚？ ）呢個年代最重要係，覺得感覺啱就去做，女仔唔會唔可以求婚，如果有對象，為咗將來其實邊個提出都冇問題，大家有心行落去，呢個話題點都會討論，最重要係有共識，幾時達成要講緣份。」

另外，Ali更被指近日遷入大角咀三千萬豪宅，她表示：「可能有幾次喺嗰度出入，大家就以為我住喺度，我覺得夠住就可以了，多謝大家關心，我會努力儲錢令到自己同屋企人有更好生活，我都想買樓，但係搵錢真係好辛苦，要睇定啲先可以。」