Juicy叮｜港女被發現曾割雙眼皮 男友嬲爆走人：咁都叫小事？
2021-08-25 10:38 
不少人會因貪靚而整容，但亦不是人人能接受。有港女表示，數年前曾割雙眼皮，當時仍未與現任男友拍拖；怎料男友某天翻看樓主的中學照片，發現她曾割雙眼皮，便怪她沒有事先告知，更憤而起身走人，令樓主大感委屈！
該名港女在「香港討論區」上，以「男朋友知道我整過容之後嬲咗我」為題發文，指自己數年前仍未與現任男友拍拖時，便已接受割雙眼皮手術，一直都不覺得是大事，因此從沒向男友提起。不過近日男友翻看樓主中學時期的照片，發現其外貌與現時有異，便詢問原因。
樓主笑笑口回答實情後，男友竟立即黑面，「佢問點解我一直唔同佢講，我話呢啲好小事咋喎，仲要係同佢一齊之前嘅事，佢即刻反駁我話呢啲都叫小事？」，兩人隨即吵架，男友甚至「嬲爆爆咁走」。樓主不解男友為何如此生氣，大感委屈，指現今有不少人都會注射肉毒桿菌素（Botox）及整容，質疑男友過於保守。
帖文引起網民熱議，有人認為樓主的男友太保守，「真係好小事，妳男友太太保守」、「割雙眼皮根本不算整容」、「又唔係識咗佢先整，咁都包容唔到，唔單止保守，仲小器」、「男人而家好多都整容㗎喇，好平常啫」。不過亦有網民認為，樓主男友是擔心她日後會因貪靚而整容，「有一就有二」、「割雙眼皮係第一步，佢唔係嬲，係驚」。
樓主其後回應指，因覺得「鼻整完會好怪」，因此在割雙眼皮後便沒有再整容。她事後詢問男友為何對她曾整容一事如此生氣，對方就解釋指並非討厭她整容，「佢係嬲我冇同佢坦白，有嘢瞞住佢」。
資料來源：「香港討論區」
關鍵字
最新回應