公開處男配音過程 Edan獲讚咬字清晰搣甩懶音

MIRROR成員Edan（呂爵安）昨日在個人YouTube頻道上載最新一集《跟我去返工》，是他為卡通片《反轉方舟動物團》配音的Vlog。他坦言收到配音工作邀請時十分疑惑，更自嘲：「到底佢係玩緊自己定玩緊我呢？我都出名咬字清晰、發音正確、講嘢唔Lur。不過係一件未試過嘅事，所以決定要接受挑戰。」

Edan在配音導演恩恩的指導下發揮得不錯，不過也發生搞笑事，如因不懂用聲而發出疑似便秘聲，演繹角色被電時又笑指「好造作」。恩恩最後大讚Edan：「啲人成日話Edan咬字有問題，我覺得大家應該要入戲院，Check吓件事係咪堅嘅。究竟有幾多個字係讀錯？發現係『零』嘅話係正常，即係你聽覺冇事！」令Edan即驚到戴頭盔：「如果唔係『零』，即係佢（恩恩）有問題！」恩恩又讚Edan的節奏感不俗，而且聽話受教，為他來個大平反。