熊黛林與孖女整燈籠製貼紙中秋佈置家居變親子活動

2021-09-19 21:00

一年一度的中秋節到了，熊黛林（Lynn）跟同公司的陳嘉寶（Anjaylia）、陳毅燊（ANSONBEAN）與劉沛蘅（Hillary）等，齊心送上祝福，祝願大家平安團圓。Lynn表示一向重視中秋節，今年她與兩位寶貝女兒Kaylor和Lyvia一同花心思在家中佈置，製作小燈籠、貼貼紙，共度親子時光。Lynn說：「之前BB仲細，未明白中秋節嘅意思。我有同佢哋講月亮上面有個姐姐叫嫦娥，入面仲有隻兔仔，佢哋好開心……今年仲可以同佢哋一齊佈置吓屋企，當成親子活動。」

將於年底生B的Anjaylia今年中秋節一如既往與家人共度，她更專誠走訪老式的燈籠店尋找兒時回憶：「最難忘係細個嘅時候，有一個用玻璃紙做宮廷款式嘅燈籠，大個咗想搵番嗰款燈籠嘅時候，已經搵唔番。因為囡囡已經識得玩燈籠，所以今年特登去番傳統嘅舖頭搵吓，可惜搵唔到，最後揀咗小金魚燈籠畀囡囡。」Anjaylia笑言有跟兩女一同製作DIY燈籠，可惜未到中秋節，燈籠已被「解體」！