Juicy叮｜40歲朋友07年起等跌市置業無望 網民慶幸靠30萬上車

一句對白「人生有幾多個十年？」，十幾年前紅遍全港。有網民分享其朋友的苦況，一名朋友由20多歲等到現在40歲都仍然在等上車，而發文者本身則早年靠30萬首期順利置業，兩種人生截然不同。

發文者指，一名80後朋友, 由廿十幾歲等到現在過四十歲都還在等，「佢07年俾人跣叫佢唔好買, 一等等足14年都未上到車」。對方已經放棄買樓，「佢就係人工冇點加，而家仲驚中年失業，更加唔敢買樓」。

發文者更繪影繪聲形容，他性格亦變得古古怪怪，餘生在絕望同痛苦中渡過, 「反觀佢同輩朋友個個買哂樓組織幸福家庭, 佢就一支公食自己。」網民形容，「依家見佢真慘，好似一世冇望咁，人到中年份工更加唔穩陣更加唔敢搏，好慘」

發文者又透露，「我24歲自己儲到30萬左右上樓啦，07年西環樓300呎都唔洗100萬」。

網民留言形容，「07到現在樓價升一倍唔止，真係慘，無放樓的差不多供完或加按玩資產増值，可以提早享受人生，做錯一個決定影響一生命運，識朋友一直租樓經常怨天尤人，幾可憐」、「當年好多人 打工仔戶口簿未見過一球嘢，受唔住誘惑沽自住樓，擎天半島好多 原本自住比人震走咗跟手火箭升空」

有人指出，當事人時機已過，「其實人到中年，如果不是專業人士及政府工，收入開始持平甚至下跌，當樓價向上但收入下跌，變相永遠上唔返車」。

不過也有人認為，「唔好講到買唔到樓就好慘啦！人生仲有好多樂趣嘅」、「無錢就俾你啲所謂朋友睇唔起，可悲。」

帖文轉載自「有朋友由07年等樓市跌等到依家, 變咗中佬」