全運會｜可以衝到第一係想像以外 李思穎：唔係有隊友我無今日成功

全運會公路單車女子個人賽，港隊的20歲李思穎奪得金牌，是香港在今屆全運會的第二金，也是港隊在女子公路賽全運史上的第一金。她以3小時04分42秒得第一，雲南和遼寧的代表分別奪得銀牌和銅牌。另一名港隊車手楊倩玉得第5名。

李思穎：「我最後有擔心俾人過嘅，但係我個一刻諗，我自己可以去到咩位就去到咩位，我本身以為有頭三已經好開心架喇，今日可以衝到第一，完全係自己想像以外嘅事。」

李思穎又說，第一戰術本來是由楊倩玉去衝。李思穎：「我依一刻我仲未反應嚟，因為成件事太神奇、太意外，去到最後一圈40多公里時，教練就安排楊倩玉，係最後10公里突圍出去。最後去到大概500米，有楊倩玉嘅4人小車群俾人突圍追到，我當時唔係幾知道發生咩事，我係車群中間無理到，係右邊一下殺出去。」

李思穎感謝一眾隊友功不可沒。3位隊友賽前一日在團體賽發生意外，帶傷上陣為李思穎掩護。李思穎：「好多謝隊友，如果唔係有隊友嘅話，我都唔會有今日嘅成功。我本身有擔心今日完唔到賽，全運會水平好高，今天有一啲天助我也。」

香港在今屆全運共獲2金5銅，其中單車隊的成績最好，共奪得2金2銅。