Edan自稱大隻咗但同AL冇得鬥　Jeffrey拍游水戲經常濕髮搞到頭痛

呂爵安（Edan）及魏浚笙（Jeffrey）今日出席活動，繼續吸引數百粉絲到場，Edan到場後識做地走近粉絲揮手，二人在店內拍照，其間有男粉絲大叫Edan，全場起哄。

問Edan飾演「田田」後是否吸納不少男Fans？Edan笑言：「冇特別留意，有男Fans亦好開心，證明我哋唔只得軀殼，佢哋都會欣賞才藝。」Edan也指Jeffrey有很多男Fans，Jeffrey亦好開心有男女Fans支持。兩人現時忙於拍攝劇集《i.SWIM》，努力操泳術和做Gym，Edan自言大隻咗好多，又指Jeffrey大隻得誇張，Jeffrey表示一星期操5日，因為肥底若不操練會變肥。問有否留意盧瀚霆（Anson Lo）擔任內褲模特兒的騷肌照？Edan表示：「有留意。（覺得如何？）大隻過平時，我都覺得嘩…好大隻，犀利嘅。（會否鬥大隻？）冇得鬥，有得鬥都想鬥。（MIRROR之中邊個最大隻？）MIRROR之中Stanley就最大嚿，好Fit。」問到拍攝游水戲份是否很辛苦？Edan坦言游水場口比較辛苦，由朝拍到晚不停重覆浸水上水感疲倦；Jeffrey則表示長期濕着頭容易頭痛。

另外，談到有報道指MIRROR疑遭港台抵制，未有播放他們的歌曲，Edan說：「有睇相關報道，應該冇呢回事，可能純粹對音樂品味唔一樣。我哋冇特別留意有冇上榜，最緊要做到音樂，自己盡力去做。（對新人獎可有信心？）冇諗太多，出歌唔係為獎項，目前準備第三首歌，想大家喜歡歌曲多過攞獎，平常心啦。」談到美國也有粉絲應援自己，Edan表示估不到，感謝粉絲咁有心，希望疫情後可以去唔同地方跟大家見面。