Juicy叮｜買1800萬樓後丈夫失業 港媽凑1歲仔兼養父母 驚被銀行收樓

疫情下航空旅遊業一潭死水，有網民接獲朋友求助，其買入1800萬元的3層樓新界獨立屋後，外籍機師丈夫長期失業，只靠兼職供養1歲兒子及年長父母，父母近月又因為重病要做手術，更因無錢供樓怕被銀行收樓，「之前儲錢都唔係話儲到好多。所以依家失業半年有多，開始要動用到儲備就知道真係大難臨頭」

有網民在討論區「親子王國」求助，問如果失業無錢供樓，銀行一般會在欠交多少個月後開始啟動收樓機制，何時會被人趕走。事緣發文者的好友丈夫失業一段時間，搵到兼職但不夠養家加供樓，而小朋友年紀尚細，亦難以靠住，所以我朋友暫時不可以抽身賺錢養家。

發文者朋友丈夫現時月入1萬多至2.3萬元。「一份正職搵到大概萬尾。另外兩份兼職，一份係幫人夜晚搬下貨但係能力一般，同埋無做得夜因為第二朝要返正職。第三份兼職係自由工作幫人網上執圖。」但扣除養老開支、家庭開銷已經所剩無幾。其中一個長老行動不便，長期要人照顧，排老人院亦非短期做到，家庭陷入財困。

發文者透露，朋友一家在新界西北購入了只有8伙的新式獨立屋，3層樓很難租出，亦無能力拿出幾十萬元重新裝修分層，鋪設水電表等。雖然朋友招租租金已經低於市價，但又怕太低被人做犯法勾當。

發文者自言，連她都不喜歡該村屋，位置偏僻一定要開車，附近又不是新發展區，特別貴係因為新建的村屋。缺乏配套普通人無可能高價住到這麽遠。朋友一家買入村屋時斥資1800萬元，現在叫價已經跌至1600萬元，擔心因太低價急售外人都擔心有問題。

禍不單行的是，該物業放盤半年都無人問津，「我都開始覺得佢哋衰氣一浪接一浪。早排其中一個長老要做突發手術所以資金又少咁啲」。

發文者慨嘆，之前公司有房屋津貼，現在失業後就要獨力支撐。「點計條數都唔會畀到樓按。兩公婆一人3份工都唔會夠畀因為除咗要養小朋友，仲要養長老。只能同大家講，無咁大個頭就唔好戴咁大頂帽。當初兩公婆想得太完美太天真。真係無諗過會無咗份荀工。所以佢哋預咗捱到捱唔到為止，但係要安排定最壞打算俾人收樓。」

發文者又提到，小朋友接近2歲，但有特殊學習需要，現時無就學。曾經找個看護但不懂得處理，「我朋友去買餸都要即刻搭的士返去。返到去小朋友唔開心自殘刮自己塊面刮到出晒血痕。」但家長的老人不懂照顧小朋友，「一歲帶個孫篤魚蛋，飲奶茶。公公去公園捉棋竟然俾一群唔識嘅呀伯抱，又搞到情緒失控 」

發文者慨嘆朋友一家極度彷徨，於是向一眾網民求助。

帖文轉載自「親子王國」