鄭欣宜巨型紗網裙拍MV 體會何謂最難行的路

鄭欣宜（Joyce）年度第四首派台作《最難行的路》的MV今日上架，在MV中，Joyce會以三個不同造型出現，形象指導更在韓國空運了一條巨型紗網裙來港，配合現場的歐洲式建築，還有Joyce臉上的閃石妝，充分展現了她高貴而夢幻的一面，不過她笑言親身體會到何謂「最難行的路」：「因為好重、好大條，要五個工作人員合力先可以搬得起，本來導演要求我試吓行前兩步，但最終失敗。」

接著Joyce換上火紅色晚裝，被多位舞蹈員指罵，當中一位高人一等的型男，其實是新加盟寰亞大家庭的蔡浩然（Scott），今次是他第一次拍MV：「好開心入咗寰亞之後多咗機會去試新嘢，早排第一次拍電影，今日第一次拍MV，仲要係幫欣宜拍，自己跳開舞，MV又有跳舞嘅元素，希望可以展示自己擅長嘅地方，等大家了解我多啲。」至於另一個造型以黑、白色為主，Joyce更戴上百萬珠寶進行拍攝，她搞笑說：「Oh my god，造型師冇同我講要戴咁貴嘅珠寶，但今次MV三個造型我係未試過，所以我覺得好amazing。 」


不過除了造型上的驚喜外，Wyman所填的《最難行的路》歌詞時，同樣給Joyce既驚喜又感動：「之前睇過Wyman一個社交網站嘅post，係佢以前幫其他歌手寫過嘅歌詞，嗰時電腦未普及，每一份歌詞都係用人手寫，當時我同過佢講『我又要』，但無奈我第一次同Wyman合作係2015年嘅《你瘦夠了嗎？》，一切已經電腦化，但今次我收到呢一份《最難行的路》歌詞嘅時候，係我一擘大眼、一打開個電話，就見到佢嘅手寫稿歌詞，我真係好感動，Wyman都有透露佢寫呢份詞嘅時候，自己忍唔住喊，好多謝佢！」