Juicy叮｜貪靚OL打風返工貪方便穿T恤踢拖 港男批衣著求其惹議

近日一連兩個颱風襲港，冒雨趕上班的打工一族自然早有準備，否則回到辦公室濕身濕腳坐足一整天實在吃不消。有網民於討論區發文指，平日十分貪靚的女同事，因為打風緣故而改穿T恤、拖鞋等輕便的裝束，惟此舉卻引起該網民的不滿，批評女同事穿著隨便，「有少少師奶味」，帖文引起網民熱論。

該網民於「香港討論區」發文指，日前打風回公司上班，見到平日即使戴口罩都會化妝、穿着整齊的女同事一改衣著風格，變成穿T恤、短褲及拖鞋，樓主更形容「著到好求其，有少少師奶味」，坦言無法接受女同事穿著隨便，「雖然唔使見客又唔使見其他人，但你都著好睇少少呀」。

其後樓主好奇下問女同事為何改變了造型，對方解釋因為打風，故特意挑選輕便的衣著上班，下雨走路亦不怕弄濕。惟樓主卻對此甚感不解，稱即使下雨不穿高踭鞋，可以改穿波鞋，「但係都唔使著拖鞋返嚟㗎嘛，仲要啲腳趾又唔係靚」。

帖文引起網民熱議，有網民指改變衣著為人之常情，「打風落雨有得揀，點會著波鞋？嫌未臭過定未洗過鞋？著雨靴合理啲」，亦有人批評指，「公司無規定，員工著乜返工又關你事」；其後樓主回覆表示，「無規定都唔係要著到咁樣返工，公司都無規定唔可以着睡衣返工，咁又唔著睡衣返工？」。

資料來源：香港討論區