雪雪為處女棟篤笑隨時準備犧牲色相：啲飛賣得好快醒一張三點式

盧覓雪將於下月6至7日在九展匯星舉行《雪說笑 da go bin ro》，是次門票已於今日（15日）起於快達票售票網公開發售，雪雪今日接受好友阮兆祥主持的商台節目《1圈圈》訪問，大爆今次開騷不為人知的內幕。

節目中，雪雪分享為何這次處女棟篤笑海報沒以靚相作招徠，卻以兩款出自兩位本土漫盡家甘小文與林祥焜的作品代替，她先指與兩大漫晝家的淵源：「我由細到大受哥哥影響，睇咗好多本地漫畫，可以話係喺甘小文嘅『柑、蕉、桔、梨、碌柚』等作品中浸淫成長，我哋因一次訪問結緣，亦有一見如故嘅感覺；至於林祥焜，去年我在節目中為他西九露天漫畫的是非說了幾句中肯的話，之後他主動inbox我道謝，自此成為好友。」到開騷前工作人員要求雪雪影靚相做海報，雪雪坦言：「我又唔係靚女，影乜鬼？那就請兩位老友幫我畫出兩款風格截然不同的漫畫，正正配合我雙子座的兩面性。」

對於被祥仔問及近日修身成功，是否準備好於棟篤笑中性感登場盡騷美好身段，雪雪笑說：「大家唔使諗喇，嗰啲馬甲線，南北半球，我係會畫上去嘅！」不過，雪雪揚言無論今日門票開賣銷情是否理想，都準備隨時犧牲色相，她公開許下承諾說：「如果啲飛賣得好快，我醒一張三點式過大家睇！如果賣唔去，我更加要出三點式，因為要谷飛呀！哈！」