Juicy叮｜中女也「躺平」 網民寧返兼職棄買消費品自剪頭髮

「躺平」近年在內地年輕人之間流行，不過並非年輕人獨有現象，香港有中年女網民就分享其低物質、低慾望的生活，「身心舒坦為前題」，引發網民思考熱議。

網民在「親子王國」討論區發文，返兼職工作的心理質素更加好，全職工作的工時太長了，回家身心俱疲，還少了時間打理家居，好像「狗窩」一樣，又陪不到家貓，「搭車連返工無左十二小時，夜晚攰到唔想食飯」。

女網民稱，兼職賺得的錢只要該個月能交管理費、保險費、電話費、差餉、養貓、寛頻費用，其他開支都可以慳。

她又舉例，不要坐的士；留待夜晚才去買餸、買特價食品；護膚品隨便在連鎖個人護理用品店買，外出袋就用布袋，「依家起碼可以去學嘢，仲係屋企煮到飯畀自己食，唔使再食街外嘢」。她又透露，除非頭髮非常凌亂才會去髮型屋電直頭髮，「平時唔想坐髮型屋，頭髮自己剪」。

有網民留言稱，「人嘅一生，只睡一張床，住一間房，夠用就可以，唔追求簡單就是幸福。」、「就好似日本經歷過海嘯，佢哋而家都回歸平淡，覺得買咁多嘢最後一個天災已經冇晒。疫情過後我覺得打扮啊化妝品嗰啲都唔係真正需要，唔使買咁多，以前個個月都買根本都用唔晒」、「慾望生活其實係自己畀壓力自己，其實真係無人會理你著咩衫用咩袋，除非你係明星。由頭到尾都係自己畀壓力自己啫，當你發覺無，生活又係一切如常 」



帖文轉載自「低慾望生活」