林家謙害怕成過度討論焦點 無悔轉戰幕前否則人生好乏味

林家謙在2014年以作曲人身份入行，及後轉向幕前成為唱作人，更與姜濤同年爭新人獎。近日林家謙接受商台訪問，談到今年暫時只推出《神奇的糊塗魔藥》及《難道喜歡處女座》兩首歌，他坦言是刻意放慢步伐：「因為完咗年初嘅頒獎禮，我真係想沉澱落嚟，想放慢步伐諗清楚，變咗focus幕後多啲，真係唔想變成大家過度討論嘅焦點。」

原來在頒獎禮跑贏姜B成贏家，一度令處女座的林家謙驚惶失措，他說：「其實我曾經喺頒獎禮前跟《Chill Club》監製講：『唔好係我！我好驚係我！』我總覺得會好恐怖，我係唔識面對。我唔係因為唔鍾意得獎所以黑面，而係我擔心之後接住嚟嘅大批負評，嗰一刻我真係唔enjoy。但我好悔當時冇Embrace嗰個Moment，將憂慮蓋過喜悅。」

有否後悔轉到幕前？林家謙說：「其實我嘅想法同心態係不停變，先會令我作出咁多新嘗試。到呢一刻我係慶幸自己有做到（幕前），如果唔係人生會好乏味，亦唔會有咁多好嘢及Bonus出現，我係賺到好多。」