C朗細女4歲生日 富貴女友包室內遊樂場開P

葡萄牙超級球星C朗（Cristiano Ronaldo）育有2子2女，包括11歲大仔小C朗，17年由代母誕下的龍鳳胎，以及跟女友洛迪古絲（Georgina Rodriguez）所生的細女Alana Martina，話咁快細女4歲生日，爸爸忙踢英超唔得陪佢玩，但好彩有媽媽，仲要係有錢嘅媽媽，可以Book室內遊樂場，Set晒汽球裝置，仲請埋一大班小朋友陪着咗公主裙及戴咗皇冠嘅囡囡慶生。

佗住雙胞胎嘅C朗嫂拍咗段片，由入場一刻拍到Party完結，可見場中有用汽球砌咗Alana個名，又有汽球拱門，壽星妹妹一入場已超興奮通場跑，見佢玩咗好多嘢，有玩碰碰車、同C朗前皇馬隊友馬些路（Marcelo）玩射龍門、睇動感3D電影、激光射擊、狂玩滑梯等遊樂設施，當然唔少得狂食小朋友好鍾意嘅Junk Food，最後係吹蠟燭切蛋糕加拆禮物環節，相信以後啲禮物會愈拆愈貴。