獨家丨徐加晴Jessica揭古裝街最多鬼 讚電視城靈體好有規矩
2021-11-19 23:45 
TVB全新靈異節目《搵鬼去電視城》，由歌手徐加晴和Jessica Yau（丘可欣）組成「靈力女團」聯同其他主持，以電視城為背景，每集到不同「猛鬼」位置探靈。她們都指古裝街最多靈體聚集，又盛讚電視城的靈體特別有規矩，唔會隨便跟人返屋企。採訪、杜淑霞、李潔瑜 攝影：葉君海
徐加晴和Jessica均是天生有通靈能力，近年更主力從事有關工作，以往她們都有聽聞電視城好猛鬼，今次獲製作組邀請出任顧問，感覺好新鮮。
電視城靈體有歸屬感
徐加晴講到拍攝時古裝街親身經歷，「一入去就見到有個新娘企喺度，隔籬嗰啲就圍住棺木喊。」而Jessica同靈體溝通完，得知靈體在他們的空間拍緊戲，「場戲係新娘同棺木入面嘅新郎道別，隔籬嗰啲喺度喊。」徐加晴叫導演邀請他們加入拍攝，「導演同佢地講『各位靈體可唔可以加入我哋而家呢個拍攝，大家可以任意入鏡頭。』一講完，好恐怖，所有門、窗、木櫈係咁『嘭嘭嘭』聲！」徐加晴形容靈體就好似拍手掌一樣，好興奮。
完成拍攝，令徐加晴對電視城的靈體有新睇法，「同呢度嘅靈體溝通係舒服，佢哋心願覺得係呢度嘅人，好想加入拍攝，終於畀機會佢哋實現願望，都覺得幾有趣。」這次經驗亦令Jessica改觀，「其實我哋以前係叫人唔好靈探，因為好似騷擾佢哋，但係喺電視城感覺又唔同，同佢哋有溝通，亦都畀機會佢哋出鏡。電視城嘅鬼會自成一角，有自己制度，同出面最大嘅分別係唔會跟人返屋企，好嚮往呢度嘅角色。」
最新回應