独家丨徐加晴Jessica揭古装街最多鬼 赞电视城灵体好有规矩
2021-11-19 23:45 
TVB全新灵异节目《搵鬼去电视城》，由歌手徐加晴和Jessica Yau（丘可欣）组成「灵力女团」联同其他主持，以电视城为背景，每集到不同「猛鬼」位置探灵。她们都指古装街最多灵体聚集，又盛赞电视城的灵体特别有规矩，唔会随便跟人返屋企。采访、杜淑霞、李洁瑜 摄影：叶君海
徐加晴和Jessica均是天生有通灵能力，近年更主力从事有关工作，以往她们都有听闻电视城好猛鬼，今次获制作组邀请出任顾问，感觉好新鲜。
电视城灵体有归属感
徐加晴讲到拍摄时古装街亲身经历，「一入去就见到有个新娘企喺度，隔篱嗰啲就围住棺木喊。」而Jessica同灵体沟通完，得知灵体在他们的空间拍紧戏，「场戏系新娘同棺木入面嘅新郎道别，隔篱嗰啲喺度喊。」徐加晴叫导演邀请他们加入拍摄，「导演同佢地讲『各位灵体可唔可以加入我哋而家呢个拍摄，大家可以任意入镜头。』一讲完，好恐怖，所有门、窗、木櫈系咁『嘭嘭嘭』声！」徐加晴形容灵体就好似拍手掌一样，好兴奋。
完成拍摄，令徐加晴对电视城的灵体有新睇法，「同呢度嘅灵体沟通系舒服，佢哋心愿觉得系呢度嘅人，好想加入拍摄，终于畀机会佢哋实现愿望，都觉得几有趣。」这次经验亦令Jessica改观，「其实我哋以前系叫人唔好灵探，因为好似骚扰佢哋，但系喺电视城感觉又唔同，同佢哋有沟通，亦都畀机会佢哋出镜。电视城嘅鬼会自成一角，有自己制度，同出面最大嘅分别系唔会跟人返屋企，好向往呢度嘅角色。」
最新回应