謝雪心稱梅雪詩患惡疾康復中 談養生最緊要食得清淡

謝雪心（心姐）今晚出席歌唱比賽總決賽，對於梅雪詩（阿嗲）去年不幸患上惡疾暴瘦30磅，心姐透露對方現正康復中，最嚴重時期已慢慢過去。她說：「梗係擔心佢，大家身體都好緊要，希望佢快啲好返。（阿嗲心情OK？）痛就緊係辛苦啲，完全冇影響就假啦！佢狀況都OK嘅，如果跪低嘅動作就冇咁自然。幾日後我會同佢見面，因為係任姐（粵劇名伶任劍輝）嘅死忌。」

談到養生之道，心姐坦言會吃得清淡，中醫師更教導她飲竹絲雞沙參玉竹湯，對女士來說飲用十分好，本身亦會跟愛犬一起游泳。