韓子亮改名韓亞光 英文名叫Fire新一年積極做音樂

今年對韓子亮（TL）來說上咗人生一課，學會包容忍耐及多做事小說話。為求明年重新出發，他決定改名韓亞光（Fire），並承諾粉絲明年會有更多好的音樂作品會面世。

韓亞光今年上咗人生一課。

韓亞光嘅《Party With TL》MV好受歡迎。

 

Fire年尾已修心養性推出新歌《Everybody Keep Running》，並將陸續推出5首作品，希望觀眾可以睇到他的誠意及轉變。至於點解會有改名嘅想法？Fire表示：「適逢轉咗新公司，公司覺得既然作品同以往嘅風格都好大分別，索性改名，以全新形象示人，帶畀觀眾新鮮感。」

韓子亮改名韓亞光（Fire）。

韓亞光聖誕期間跟麥貝夷 (Karene)及「綠魔」許嘉浩（Karl）相聚。

 

另外，Fire透露新公司全力支持他開展一個全新的YouTube Channel，將於明年推出，拍攝好多不同嘅題材，唔會只局限於音樂，但Fire仍沒有放棄他的歌迷和音樂：「我𠵱家製作緊一首新歌《Let me be myself》，呢首歌嘅MV係我入行以嚟最大規模嘅MV製作，將會喺明年二月出街，我花咗好多心機喺呢隻歌度。」

月前韓亞光推出新歌《Cuz I’m TL》。

Fire年尾修心養性推出新歌《Everybody Keep Running》。