羅天宇睇好胡鴻鈞得飛躍獎 林正峰坦認自己只屬陪跑
2021-12-28 20:00 
羅天宇與林正峰在TVB的台慶頒獎禮中，同時成為「飛躍進步男藝員」5強，兩人今日現身將軍澳電視城出席活動，問到可有信心得獎？羅天宇表示信心還可以，今次學會平常心看待。去年羅天宇憑《香港愛情故事》獲提名時被指機會大，令他緊張到失眠，笑言今年則有覺好瞓，又指若有機會攞獎，準備了數年的致謝詞希望不會有遺漏。
是否睇好自己？羅天宇稱說：「我睇好胡鴻鈞，他唱歌、演戲都好，《十月初五的月光》佢第一次做男主角，處理角色同壓力都好。」反而羅天宇指為《我家無難事》獻聲的主題曲未能躋身「最受歡迎電視歌曲」5強而感到可惜，因此沒有籌碼和公司爭取唱歌機會。
而林正峰則是首次獲提名，他所言是完全不緊張，因為一定沒有機會攞獎，所以沒必要擔心，但將來若覺得自己有機會，相信也會像天宇一樣失眠。而正峰則睇好天宇奪獎，因他第一套劇便是《香港愛情故事》，當時有天宇帶領他們。
最新回應