龔嘉欣開工做打女唔錫身 手臂現瘀傷稱已習慣

龔嘉欣之前在劇集《殺手》中有不少打戲，獲得觀眾稱讚。最近她又在新劇《四十二章經》中做打女，完全唔錫身瞓身演出。昨日（31/12）她就在社交網的限時動態貼出「肉」相，性感欠奉，但手臂就見到又青又瘀，傷勢不輕。

 

龔嘉欣稱之後要穿上長䄂衫遮傷勢。

龔嘉欣展示的瘀傷睇見都痛。

 

原來龔嘉欣為拍打戲而搞到周身傷，她展示的傷勢都幾唔細，手臂見到有一大片接近色的瘀傷，她貼出照片前仲以輕鬆字句寫道：「慎入！記錄一下努力過後的……《四十二章經》」，之後就見到連環圖，一張比一張嚇人，她續道：「每一次拍打戲都唔會諗太多，淨係一心想做好個動作，真係拍完返屋企沖涼先發現，同埋終於識痛。所以聽日做嘢都要着長䄂衫，驚嚇親大家。放心我已經習慣咗，因為我係打女嚟㗎嘛！」她表示收到動作指導送上藥膏，也有用雞蛋幫手散瘀。
 

龔嘉欣要搽藥膏及用雞蛋（右圖）散瘀。