獨家丨范振鋒李思欣開KOL學校搵新血 做帶貨狂賺百幾萬

去年9月范振鋒離開TVB，因為疫情影響，阿范的司儀Job減少，老婆李思欣都係靠「炒散」，好彩最後兩公婆搵到新方向，兩人拍住KOL ViVi做帶貨員，兼且做埋KOL學校「校監」，培訓學員及提供意見。范振鋒笑說：「呢個年代出咗好多被追捧嘅偶像，我一把年紀再唔轉型會被淘汰。」採訪：方騫平 攝影：沈健程 場地：Amber’s Table

 

范振鋒及李思欣開辦KOL學校搵新血

 

阿范、李思欣及導師KOL ViVi。

 

聖誕節及新年係藝人黃金檔期，范振鋒夫婦坦言接Job多咗，但去唔返最好搵嘅階段：「𠵱家啲客多數都係提出搵MIRROR，喺咁嘅環境真係唔可以再瞓身做藝人，所以點都要衝破做藝人界限，接受挑戰。」思欣同意老公說法，承認做藝人真係好被動。阿范更用老闆阿Bob(林盛斌)做例子：「佢𠵱家都搞網上頻道，仲開埋網店，大勢所趨冇辦法。」

三人瞓身搞KOL學校。

 

MIRROR成員好受廣告客戶歡迎。

 

三人直播帶貨好受歡迎。

李思欣唔願再簽約
范振鋒和李思欣年前開始以「夫妻檔」喺新城電台開直播帶貨，因為經驗不足反應冷淡，阿范坦言只係得3位數字營業額，直至搵到KOL ViVi幫手先開始有好成績，經多次實戰開LIVE狂賺百多萬，兩公婆分到唔錯利潤，收入同做藝人咁上下，𠵱家兩公婆再下一城做埋KOL學校「校監」，ViVi就係導師，希望培育到新血。TVB之前重播《最美麗的第七天》，李思欣少女清純look獲網民大讚，不過思欣滿足現狀，暫時無意再被綁：「反而做吓綜藝節目都ok嘅。」
 

2004年，李思欣拍攝TVB處女作《赤沙印記@四葉草.2》。

 

38歲李思欣身穿大露背裝依然好索。

 

李思欣都有做開KOL。

 

兩公婆剛慶祝結婚十周年，好Sweet。