独家丨范振锋李思欣开KOL学校搵新血 做带货狂赚百几万

去年9月范振锋离开TVB，因为疫情影响，阿范的司仪Job减少，老婆李思欣都系靠「炒散」，好彩最后两公婆搵到新方向，两人拍住KOL ViVi做带货员，兼且做埋KOL学校「校监」，培训学员及提供意见。范振锋笑说：「呢个年代出咗好多被追捧嘅偶像，我一把年纪再唔转型会被淘汰。」采访：方骞平 摄影：沈健程 场地：Amber’s Table

 

范振锋及李思欣开办KOL学校搵新血

 

阿范、李思欣及导师KOL ViVi。

 

圣诞节及新年系艺人黄金档期，范振锋夫妇坦言接Job多咗，但去唔返最好搵嘅阶段：「𠵱家啲客多数都系提出搵MIRROR，喺咁嘅环境真系唔可以再瞓身做艺人，所以点都要冲破做艺人界限，接受挑战。」思欣同意老公说法，承认做艺人真系好被动。阿范更用老板阿Bob(林盛斌)做例子：「佢𠵱家都搞网上频道，仲开埋网店，大势所趋冇办法。」

三人瞓身搞KOL学校。

 

MIRROR成员好受广告客户欢迎。

 

三人直播带货好受欢迎。

李思欣唔愿再签约
范振锋和李思欣年前开始以「夫妻档」喺新城电台开直播带货，因为经验不足反应冷淡，阿范坦言只系得3位数字营业额，直至搵到KOL ViVi帮手先开始有好成绩，经多次实战开LIVE狂赚百多万，两公婆分到唔错利润，收入同做艺人咁上下，𠵱家两公婆再下一城做埋KOL学校「校监」，ViVi就系导师，希望培育到新血。TVB之前重播《最美丽的第七天》，李思欣少女清纯look获网民大赞，不过思欣满足现状，暂时无意再被绑：「反而做吓综艺节目都ok嘅。」
 

2004年，李思欣拍摄TVB处女作《赤沙印记@四叶草.2》。

 

38岁李思欣身穿大露背装依然好索。

 

李思欣都有做开KOL。

 

两公婆刚庆祝结婚十周年，好Sweet。