Omicron入社區｜隔離營中過新年 望月樓22員工怒轟：點解要為國泰人為錯失「埋單」

又一城望月樓感染群組擴大，增至5人確診及初步確診。當局昨日指，至今已安排共約340名密切接觸者以及密切接觸者的家居接觸者到檢疫中心進行檢疫，包括22名餐廳職員和約170名於同一時段到該餐廳用膳的食客。相關職員昨日在網上發文，不滿為國泰的人為錯失「埋單」。

相關職員自稱為「竹篙灣隔離營被選中的22人」在望月樓的社交媒體專頁發文。帖文指，昨日是他們在隔離營內渡過的第4日，仍有17日「監禁期」，並指「所有人狂歡歡渡新年嘅呢4日，變成我地(哋)有生以來最難捱嘅4日。」

帖文續指，每晚反覆思量「究竟我地(哋)做錯咗啲咩， 點解我地(哋)同家人小朋友要入嚟竹篙灣？點解國泰嘅人為錯失，要我地(哋)去埋單？」帖文指，所有同事已打針，公司亦有跟足防疫指引， 卻換來「一場幾近滅頂嘅災難」，又批評港府在關口防控不力，採取過於寛鬆的免檢疫安排， 而國泰消極的管理態度，「放任機組人員違規播毒，有人漠視自己高危帶毒嘅身份， 違規係市區散播病毒」，導致他們「無辜地幫手埋單」。帖文指，中菜餐廳近月回復「小陽春」，但是次事件將他們帶回萬丈深淵，期望盡快完結隔離，與家人團聚，亦希望政府可盡快讓望月樓重開「做正常生意」。帖文最後指，「P.S. 營入面甘(咁)多位兄弟姐妹， 我地(哋)大家都要撐住呀！」