高海寧替出爐視后林夏薇開心《七公主》奪最佳劇集興奮到彈起

每年台慶頒獎禮，高海寧的戰衣必定搶盡眼球，成為花旦中的焦點，可惜昨晚（2日）的《萬千星輝頒獎典禮2021》高Ling 未有現身，不少網民都問：「點解唔見高Ling？」原來高Ling與好友宋熙年和張曦雯在家中欣賞頒獎禮，她於IG限時動態貼出多張照片，見她穿上一身便服，邊食外賣邊睇頒獎禮，並恭喜得獎的朱敏瀚、「天然呆」馬國明及李佳芯，同時替《七公主》拍檔林夏薇奪視后開心。

 

高Ling舊年出席台慶件戰衣好靚，不過今次台慶頒禮就冇到。

 

安坐家中睇頒獎，馬明攞獎高Ling都好開心。

 

高Ling當然好替《七公主》拍檔林夏薇奪視后開心啦！

 

而宣布她有份參演的劇集《七公主》奪得「最佳劇集」時，坐在梳化上的高Ling開心得即時彈起，瘋狂尖叫，又手舞足蹈狂跳，Fing到頭髮都亂晒，相當興奮。網民都笑高Ling的尖叫聲幾乎震穿耳膜，非常搞笑。

 

得知《七公主》奪最佳劇集仲興奮到彈起。

 

高Ling有份參演《七公主》。

 

立即下載 | 全新《星島頭條》APP : https://bit.ly/3yLrgYZ