《全民造星IV》已經圓滿結束，ViuTV更講明今季三甲都會加入女團，可說是順利出道。不過《造星II》就冇咁好彩，季軍李祉均 （Oscar）至今仍未找到志同道合的公司，面對同屆多位參賽者成功出道，他也不心急：「我相信適當嘅時候，就會有適當嘅事情。」採訪：秦詠姿 攝影：葉君海 場地提供：STAYCHILL_PARTYTIME

 

Oscar現時成立個人公司獨立發展，不過仍抱簽唱片公司的期望。

 

自比賽結束至今已有2年，Oscar除了廣告及教跳舞工作，更讀書進修、跟超模Coco Rocha學習模特兒技巧，亦有學唱歌演戲。對於比賽時曾被批評唱歌難聽，他表示：「我覺得而家唱得唔失禮。」至於冇簽ViuTV，他說：「合作方向唔同，佢哋係一間電視台，擅長用節目栽培藝人，我想喺舞台表演。」對於吳啟洋(Phoebus)和張天賦(MC)成功簽約唱片公司，Oscar叫二人小心啲，因為他有更多時間裝備自己，意味出道後會更加厲害。

 

《造星II》三甲的Phoebus和MC都已成功出道，同是今年新人。

 

Oscar較喜歡在台上表演多於拍節目，因而沒有與ViuTV簽約，他較願意以自由身方式跟ViuTV合作。

 

藝術路線變阻力

Oscar比賽時走藝術路線，表演項目亦成為《造星》系列中少有的高質藝術指標。對此他稱完全唔覺自己好藝術，只是做想做的事，問到行此路線是否成為出道阻力?他表示：「係咪我做得低質就易啲簽公司？我覺得唔係。我唔覺呢個路線好難行，我好幸運做緊冇人做過嘅嘢，我會形容為優勢。」又坦言曾怕被大眾遺忘：「《造星III》播出我有驚，而家開始學習同呢種恐懼相處，怕人蓋過你，就做到最好，人哋就難以超越你。」

 

《造星II》三甲光環為Oscar帶來不少工作機會，但節目未令觀眾全面認識他，更誤解他性格藝術家兼好離地。

 

 

Oscar在比賽中有不少藝術成份高的表演，成為《造星》藝術表演指標。

 

 

Oscar曾為《造星III》參賽者排舞，不過在節目上只有幾個鏡頭，但Oscar自知不是主角，因此不介意。

立即下載 | 全新《星島頭條》APP : https://bit.ly/3yLrgYZ